உழைப்பாளர் தினம்

நாட்கூலி, வாரக்கூலி, மாதக்கூலிக்காய்,
 நா தவிக்க, உடல் வியர்க்க, மனம் கருக்க,
நாட்தோறும் நாட்தோறும் உழைத்த கூட்டம்,
  நாதியின்றி நியாயம் சொல்லி வளர்ந்தும் வாட்டம்.

உழைப்பாளர் தினமென ஏனிங்கே வைத்தார்கள்?
   உழைப்பின் ஊதியம், ஊதும் உமித்தோல்.
பிழைக்க தெரிந்தவர் யாரும் இங்கே உழைப்பதில்லை,
   பிறர் உழைப்பினை உறிஞ்சாது தழைப்பவரில்லை.

நீதி நேர்மை நாணயம் என நீளமாய் பேசி,
   வினைத்தூய்மை, கருமம்   என நீட்டிப்பேசி,
முதலாளித்துவத்தின் அடிமட்டத்தின் மட்டத்தில்,
   முனகாது முடியாது முட்டி மோதி,

பல பல பொய் தானே சொல்லி பயின்ற போதும்,
  பலன் இல்லா, பலம் இல்லா உழைக்கும் கூட்டம்,
சல சலக்கும் சத்தமெல்லாம் சரிந்தே போகும்,
   சந்தையின் விந்தையை நோந்தே போகும்.

உழைத்தாலே உயர்வென ஏதும் இல்லை,
   உலக சந்தையில் உண்மையே இல்லை.
வெறும் உழைப்பிற்கும் மேலாய் உனை நீயும் நினை,
   வியர்வைக்கும் மேலே பயன் தரும் வினை.

சாக்கும் போக்கும் சொல்லி சாமாணிய வாழ்வில்
  சாகாடு வரும் வரை, சாமரம் வீசி
போக்கும், வரவும்  சிறு பொருளும் பேசி
   போகிற போக்கில் வாழலாம் அன்றி

இடுக்கண் அழியாமை, ஆள்வினை எல்லாம்,
  உனக்கே பயன்பட்டால் உயர்வே,
படும் பாடு எல்லாம் விழலாய் வீழ்ந்தால்,
  தன்னலம் தவறில்லை காண். 

கருப்பு - பகுதி 1

வாட் தி ஃபிஷ் மேன்....  என்னதான் கஸ்டரமரா இருந்தாலும், அவர் சொன்ன வார்த்தைகள் வலித்தது.  50 பேர் இருந்த மீட்டிங், எனக்கு காது மடல் சிவந்து, ஜிவ்வென்று சூடேறினாலும், என்னுடைய டீம் செய்த வேலைக்கு அந்த பேச்சையெல்லாம் வாங்கிதான் ஆகனும். ப்ரொடக்ஷன் சேன்ஜ் முடிந்து 5 மணி நேரமாக சிஸ்டம் டமால். 

இந்த சேன்ஜ் ரொம்ப முக்கியமானது. ஒரு பிசிறு கூட தவறு ஏற்பட கூடாது என டி-மைனஸ், செக்லிஸ்ட் எல்லாம் பாத்து பாத்து செஞ்சோம். என்ன மிஸ் ஆச்சுன்னு இது வரைக்கும் புரியவில்லை.  புது ஃபைல்ஸ் போனதும், ஆர்டர் வரவில்லை என தெரிந்த உடன், கஸ்டமர் டைரக்டர், வி. பி எல்லாம் ரோல்பேக், ரோல்பேக் என ஆணையிட, உடனே ரோல் பேக் செய்தோம்.  ரோல்பேக் செய்த பின்னரும் சைட் டவுன், கூடவே சேர்த்து என்னுடைய மானம், மரியாதை, எல்லாமே

இன்னும் ஒரு மணி நேரம் அவகாசம் கேட்டோம். முதல் முறையாக முறைக்க கூட முகத்தை பார்க்காமல், வாட்எவர் என எழுந்து சென்றார் என் டைரக்டர். மடி கணினியை திறந்து கடைசி முறையாக முயற்ச்சிப்போம் என பார்த்த போது சட்டனெ மாட்டியது.  கொய்யாலே, இரண்டு டேபில் ப்ரொடக்ஷன்ல காணோம். 

கிணத்தை காணோம்னு வடிவேலு சொல்லும் போது அந்த இன்ஸ்பெக்டர் முழித்தது போல முழித்தேன். ஆடிட் டெரெயில் எடுத்து பாத்தா, நம்ம செல்லாக்குட்டி ஆப்பு ஷோர் .... கோபமாக போன் எடுத்து பேசும் முன்னர், நமக்கு இன்னொரு ஈ-மெயில் - ஸாரி - ப்ரொடக்ஷன் ப்ராப்ளம் பாக்க ட்ரை பண்ணும் போது, டெஸ்ட்க்கு பதிலா ப்ரொடக்ஷன்ல டேபில் டெலிட் செஞ்சிட்டோம்.  டி.பி.ஏ கிட்டி பேசி பேக் அப் எடுத்து போட்டுடங்கன்னு.

வெட்கம் மறைத்து டைரக்டர் அலுவலகம் சென்று, மீண்டும் ஃப் மற்றும் எஸ் வார்த்தைகளை ஏற்று மேலும் 2 மணி நேரத்திற்கு பின்னால் சிஸ்டம் வாஸ் அப் அன்ட் ரன்னிங்.

மென்பொருள் துறையில் இதெல்லாம் சாதாரணம் என என்னுடைய மேனேஜர் புன்னகைத்தார்.  ப்ராஜெக்ட் லீட் பெரிய அப்பாட்டக்கர் மாதிரி எல்லாத்தையும் அடுத்தவனுக்கு கொடுத்து ஓபி அடிக்கிறதை , மாடுல் லீட், சீனியர் டெவலப்பர், ஜீனியர் டெவலப்ப்பர், 2 மாதம் முன்னாடி சேர்ந்தேன் என அனைவரும் வேலையை தள்ளுவதில் திறமையை வளர்த்த அளவுக்கு, கொஞ்சமா சாப்ட்வேர் உருவாக்க திறமையை வளர்த்திருந்தா, நாம எங்கேயோ போயிருப்போம் என அவரையும் மனதில் நினைத்து பொருமினேன்.

சார், அடுத்த மாசம் கல்யாணம், 3 வாரம் லீவ் கேட்டுருந்தேன்... மேனேஜர் புன்னகைத்தார், ஒன்னும் ப்ராப்ளம் இல்லை. 2 வாரம் லீவ் எடுத்துக்க. 1 வாரம் ஆப்ஷோர் ஆபிஸ் போய் நம்ம டீமுக்கு கொஞ்சம் ட்ரெயினிங் கொடு. உன் டைரக்டர் கன்சர்ன் சென்னார், அவங்க விசிபிலிடி வரது உன்னோட முக்கிய பொறுப்பு என்றார்.

இந்தியாவில் ஒரு மாசம் இருந்தா நல்லாதான் இருக்கும். ஊர விட்டு வந்து 5 வருஷம் ஆகுது.  நரேன்... (நரேந்திரன்)  ஒரு வாரம் ட்ரையினிங் வில் நாட் பி குட் . அடுத்த ரிலீஸ் வரைக்கும் நான் அவங்கள ட்ரெயின் பண்ணி ஒரு ரிலீஸை அங்க இருந்தே ரன் பண்ணா கஸ்டமர் கான்பிடன்ஸ் இம்பரூவ் ஆகுமே.  யோசிச்சு பாருங்களேன் என்றேன். 

நல்ல ஐடியா... பில்லிங் அடி வாங்குமே...  நான் கஸ்டமர் சைட் பேசி பாக்குறேன் என்றான் நரேன்.

அடுத்த நாள் அழைப்பு வந்தது... ஆல் அப்ரூவ்டு. 3 மாசம் இந்தியா ஆபிஸ்ல இருந்து வேலை செய்யலாம். அடுத்த ரிலீஸ் ரொம்ப க்ரிட்டிகல், “I want you to make a difference to the customer with improved perception about the offshore team.”  

செஞ்சிடுவோம் நரேன் ...

எமிரேட்ஸ் விமானம், அடுத்த 20 மணி நேரத்தில் இந்தியா.  ஐந்தாண்டு கழித்து மீண்டும் தாய்நாட்டிற்கு பயணம். 'உனக்கென வேணும் சொல்லு' விழி மூடியது.

தோழி

குனித்த புருவமும், கொவ்வை செவ்வாய் குமிழ் சிரிப்பும்,

எனது ஐயனுக்கு மட்டுமில்லை, தோழிக்கும் உண்டு,

கனிவின் மனம் உண்டு. கள்ளமில்லை. பிறர் மனம்

மகிழ உளம் உண்டு.  மாசில்லை. தோழி நீ வாழி.

தனக்கென வேண்டுதல் அவா. பிறர்கென எண்ணுதல் அன்பு,

உதடுகள் உரைக்கும் ஒவ்வொரு வார்த்தையும், எதிர்

உள்ளவர் உள்ளம் களிக்க வைப்பதால், அன்பினை 

அலைபரப்பும் அலைவரிசை நீ. தோழி நீ வாழீ.

உவப்ப தலைகூடல், உள்ள பிரிதல் 

கலைஞருக்கு மட்டுமில்லை, கணினியருக்கும் தான்,

உடன் இருந்த நாட்கள், உவகை உவக்கும்

உலகை சுருக்க மனம் நினைக்கும். 

மாய மந்திர மோதிரம் இருந்திருந்தால், 

கூடு பாயும் கலை நான் அறிந்திருந்தால்,

வெட்டியாய் இருக்கும் நேரமெல்லாம், உங்கள் 

பக்கத்திலே வந்து கதை அளந்திருப்பேன். 

அண்மையில் இல்லாதவரை மறப்பது இயல்பென்பர்,

நுண்மையின் நினைவினில் அன்பினை பகிர்ந்தீர்.

என்றும் இன்பம் பெருகும் இயல்பினாய்,

தோழீ நீ வாழீ.